Nú eru öll börn sem verða í Seljakoti þetta skólaárið byrjuð og hefur aðlögun haustsins gengið vel. Vissulega heyrist stundum grátur en oftast er mikil gleði og hamingja. Það tekur alltaf smá tíma að aðlagast breyttum aðstæðum og því gefum við okkur góðan tíma í að mynda traust á milli allra. Mikilvægt er að finna öryggi og tilheyra hópnum. Með því verður allt nám auðveldara og börnin fara fyrr að tileinka sér nýja færni og vitneskju - allt í gegnum leikinn auðvitað. Hópastarf, málörvunarhópar, hreyfistundir, vettvangsferðir og annað skipulagt starf er byrjað af fullum krafti og gaman er að ganga um skólann og fylgjast með áhugasömum börnum við leik og starf. Vegna Covid höfum við ákveðið að bíða með Flakk (hét áður Flæði) fram til áramóta allavega til þess að passa uppá blöndun þvert á húsin. Hlökkum til samstarfsins í vetur 😊