Góðan daginn kæru forráðamenn

Leikskólinn verður lokaður vegna sumarleyfa frá og með mánudeginum 11. júli - 8. ágúst, báðir dagar meðtaldir þ.e. leikskólinn opnar aftur þriðjudaginn 9. ágúst.

Bestu kveðjur Sigríður og Ragnheiður

Á mánudaginn fór útskriftarhópurinn í útskriftarferð í Viðey. Farið var með rútu að Viðeyjarferjunni og ferjan tekin yfir. Labbað um eyjuna, leikið, grillaðar pylsur og fengu börnin prins póló og sápukúlur :) Veðrið var ekki alveg það besta þennan dag en börn og kennarar létu það ekki á sig fá. 

Í gær miðvikudag borðuðum við úti síðdegishressingu í fyrsta sinn í sumar. Bíðum spennt eftir fleiri svona dögum á komandi sumri. 😎 

Minnum á að setja sólarvörn á börnin heima áður en þau koma í leikskólann. Börn eru viðkvæmari fyrir skaða af völdum sólar en fullorðnir. Því þarf sérstaklega að gæta að sólarvörnum barna. Á Íslandi þarf að huga að sólarvörnum milli apríl og september. Sólin er sterkust kl. 13 og stór hluti varasamrar geislunar dagsins á sér stað milli kl. 10 og 16. Minnum á að koma með sólarvörn í leikskólann í roll on formi. Merkt með nafni barns.